|
|
|
|
|
|
ODE TO THE "KIRKING OF THE CORNET" written by Rev. Dr. Bruce Gardner 2009
(DCM. Tune "I heard the voice of Jesus say")
Frae Ancient times, the dingin' Sword
Did haunt Auld Scotland's ways
Guid men could get nae sleep o nichts
Fur dreams o darkened days.
Ilk man slept wi a dirk tae haund,
His saddle by his bed:
Syne, savin' bairns and land, they rade
Whaur Scotland's heroes led.
Noo, Lauderdale, ye Queen o Grace,
Yer bairns sleep, safe and weel,
Yer gentle mither's airms, the hills,
Lie roond us like a shield:
The Leader rins wi maiden joy,
Like ribbons on yer goun:
As Virgin Mary guards her Son,
The Kirk maun mind the Toun.
Aye may the Haly Wurd o God
Bliss Riders roond the Cross,
The Kirkit Cornet's standard hail
The Warrior's luve--and loss.
O Christ Oor King, Ye ride oot strang
Wi aa wha luve Ye best!
"Safe oot! Safe In!" wull be oor proyer
Till hame--and hert--find rest!
|
|
|
|
|
|
